نداء للخرفان
إللى بيسرق فينا ويظلم
إللى بينهب خيرنا مايرحم
إللى بياخد كفن الميت
إللى اتصهين ولااتهود ولا اتجنن
مش غلطان لويظلم فينا
لوياكل فى صخور أراضينا
مين فينا قال للظالم إنه حرام
ولا اتنمرد على حكم الأصنام
نفسى ألاقى مواطن واحد مش خدام
ما بيرفعش هدومه ويرقص للسلطان
ما بيركعش لحتة لحمة من قدام
أنا والله ياحبة موتى فيكو شمتان
أصل الأرض الحرة الطاهرة
ما بيسكنهاش أغنام
ما بيحكمهاش أصنام
وعجبى
ليست هناك تعليقات:
إرسال تعليق