طلب بسيط خالص من الريس متقال
عم ياريس يا ابو الذوق
نفسى أتنطق خالص خالص
وأطلع فوق
مش محتاج والله وزير
ولا ريس ولا حتى غفير
أنا عاوزك تبعد عنى كتييير
بــــ عيالك
بــــ جمالك
أصل العمر ياعم قصير
شوفنا بايدك كل الحوجة والتبذير
وانت هترحل وهتتحاسب ع التقصير
عللى اكلته والى نهبته
طول التلاتين سنة ياكبير
والى يقولك انك صالح
يبقى حمار أو شيخ مناصير
انت تبذر واحنا نجوع
انت تفنتش واحنا نصوع
والحدوته محتاجه تصوير
وعجبى
القانون مايعرفش زينب.......
بس يعرف عز---- يزة
اونكل يا اونكل ياحظى السعيد
بفضلك هنسلخ فى عالم عبيد
ونرفع تملى فى سعر الحديد
واخلى رصيدك يوماتى بيزيد
ما هوانت يا اونكل بجوعهم سعيد
هنصرف عليهم ونبنى السجون
وكل المصالح فى حبك تهون
دا غش السكارى ياريس فنون
و ابنك ياحسحس فى ظلى رئيس
ويحكم ليلاتى فى جمعة وخميس
وكل اللى ينطق يدوسه البوليس
ويجعله عامــــــــــر
نفسى
نفسى فى يوم الحساب
تتعلقوا زى الكلاب
مشانق…..
مقاصل……
أو حتى بالقبقاب
ياللى زرعتو الخراب
واليأس فى نفوس الشباب
