انا مصرى

انا مصرى و م الفراعين
بالم زبالة .....باكل طين
ويكفينى رغيف اسود
وحبة ملح من الفاسدين
ولو نطق اللسان بكلام
هياخدونى على الزنازين
ويرمونى فى عين الشمس
ماهو الظالم بقاله سنين
ماهوش انسان
دا بذرة نار
دا م الشياطين
لا فيه راجل يقول له حرام
كفاية الظلم..... حبة لين
بيزرع خوف
ويمــلى الجوف
بــ مية وطين

مبارك عليكو

مبارك
مبارك عليكو يا كل التنابله
مبارك ياعنتر
مبارك ياعبله
تعالو نطبل
تعالو نزمر
لسيدنا وحبيبنا
ونجله المخمر
تعالو نسلطن بشرب المجارى
وننعس نشخر
وفوقـنا الكبارى
وعيش المواشى
وزرع القصارى

مبارك عليكو ياكل التنابلة
مبارك يازعتر
مبارك ياهبلة
بيكدب علينا
وينصب سنين
وصوت التنابلة يردد امين