فوبيا

فوبيا
العالم كله فيه رعب من الانفلونزا الى كل يوم بتتلون فى شكل…… مره انفلونزا الطيور
……ومرة انفلونزا الخنازير
…وبكره ان شاء الله انفلونزا الحمير
لكن العجيب لعند دلوقتى مفيش انفلونزا الحزب الحاكم لا فى اقطارنا الشقيقة ولا حتى اقطارنا العتيقة
علشان كده ادعو معى يارب نصحى الصبح على قناة الجزيرة وقناة الحصيرة فيهم خبر رئيسى بيقول اكتشاف انفلونزا الحزب الحاكم وبكده هيصبح اعضاء الحزب زى الجربانين الكل بيبعد عنهم وخايف يكلمهم او يتعامل معهم ويمكن الحكومة تقرر اعدامهم او حجزهم فى اماكن بعيدة وبكده هنخلص منهم ومن قرفهم
ويجعله عامر
يا بلد من غير صاحب

واحد عربى وصلحه

واحد عربى وصلحه
من اكبر مشاكلنا نحن العرب هى كثرة اموالنا وتناقص اعدادنا لذلك فان الخبراء منذ اكثر من ستين عاما فى حالة استنفار لحل هذه المعضلة ولكن اخيرا جائتنا البشرى ومنين من بلاد النفط الغارقة فى الفكة والفتة والحريم والتنعيم
…..إزاى ؟
…..أقول لسعادتك
….واحد عربى قرر يبدأ بنفسه ويحاول يحل المشكلة بأنه يشترى طفلة من الهند ايه يعنى لما يدفع 200 ولا 300 الف دولار ويشترى بنوته صغيرة من الهند اهو يحسن من السلالة العربية بالتهجين من الهندى للعربى وبالذات ان الطفلة كانت بطلة فى فيلم كبير
وبعدين ايه الفرق بينه وبين عربى تانى اشترى عربية فيرارى علشان يعملها ديكورفى صالة بيته ؟
والاجمل انه فيه عربى تانى اشترى جازمة ب 2 مليون دولار وكله فدا العروبة والاسلام
لكن العجيب انه مفيش عربى اشترى صومالى ميت م الجوع
ولا فلسطينى العالم كله بيتسابق فى حصاره
ولا مصرى مات علشان مش معاه اجر العملية
ولا فيه عربى اشترى روحه
ولا حتى اشترى كرامة
ويجعله عامر
يابلد من غير صاحب