هدية وداع مبارك

أبدا
مش هيضمك حضني

مش هنخاف من سجن القلعة
طول ما الشمس الحلوة أهي طالعة
تملى سجونك منا الدمعة
إحنا نولع مليون شمعة
كل ما واحد راح يستشهد
فيه ملايين منا بتتوعد
مش هتحوشك كل فلوسك
كل جيوشك
مهما هتبعد
هافتح سجنك
هاقصف عمرك
مش ها تردد

لف الدنيا
راح تتجمد

أصل الشمس الحلوة دى عندي
راعى كنيسة
أو صوت مسجد

سرقة بالإكراه

سرقة بالاكراه

ياللى نورك غطى كل الارض وولادك غلابة
صوت بينده جوه قلبى محتاج الاجابة
مين بـيـعبد فرعون وشايل له الربابة ؟
مين بيكتب سطر فى فصول الخيابة ؟
مين بيصنع غول بينهش
تحسده ع الفجر انياب الديابة ؟
احنا اصل الداء وخيبتنا قوية ...
...مش طيابة

حد فاكر اسم ريسنا الهمام ؟؟؟؟؟؟؟؟؟؟؟؟؟
اللى فاتح مصر لولاد الحرام
اللى ناهب قوت عيالى فى الزحام
اللى سارق حلمى مش عارف انام
اصل العمالة مش كلام

دى عيشة اكتر م الكلاب
هوه ينهب
واحنا بنسف التراب
والمحكمة مفيش حساب

طب يا عالم
مش حرام
30سنة ناهب بلدنا
مش كلام

فيه ناس بتحلم بالسحاب
يعنى المداين والمصانع والشباب
وناس بترسم للخراب
وانا حلمى جازمة
وفردة واحدة م الشراب
والمحكمة مفيش حساب

انت فين ياقاضى وترد المظالم
نفسى عدلك ينتشر
ويرد عنا كل ظالم