جرار حــبـشىعمك حبشى عاوز جرار
بس المبلغ عدى وطار
واحنا غلابة بـــ حتة دار
قلنا ياعم نبيع الدار
وانت اتشبرق بالجرار
احرث وازرع دا احنا هنصرف بالمشوااااااار
بس الجرار عاوز عمرة
والميكانيكى بياخد اجرة
ماشى ياعم نبيع الثور والبقرة
وناخد سلفة من الأجوار
ماهو الجرار لازم نختار
علشان نصرف بالمشوار
بس الجرار عاوز عفشة
والمستورد محتاج فرشة
ماشى نبيع الديك والفرخة
حتى العشة نبيع العشة
وكمان نكدح باستمرار
ماهو الجرارلازم نختار
علشان نصرف بالمشوار
الجراربقى اخر قشطة
دخن
عفر
مشط مشطة بعيد وسار
بس المشكل ان الاسطى راح مشوار
وأنا من يومها واقف زنهار
من أول دورة نفسى أستنفع م الجرار
إللى انا بعت عشانه الدار
والله انا خايف تطلع نصبة م الثوار
وعجبى
إللى يعرف مين حبشى يكتب اسمه لو شاطر.......................
ليست هناك تعليقات:
إرسال تعليق